سپریم کورٹ دی پنجاب حکومت کوں وینٹی لیٹر زمنگواونڑ کیتے چار مہینے دی مہلت

سپریم کورٹ دی پنجاب حکومت کوں وینٹی لیٹر زمنگواونڑ کیتے چار مہینے دی مہلت

لاہور (پاکستان پوائنٹ نیوز26دسمبر 2018ء) سپریم کورٹ لاہور رجسٹری اچ چیف جسٹس میاں ثاقب نثار دی سربراہی اچ سرکاری ہسپتالاں اچ وینٹی لیٹر کمی کیس دی سماعت تھی ۔ صوبائی وزیر صحت ڈاکٹر یاسمین راشد عدالت اچ پیش تھیاں تاں ہسپتالاں اچ وینٹی لیٹر دی کمی تے چیف جسٹس کاوڑ دا اظہار کیتا ۔صوبائی وزیر ڈاکٹر یاسمین راشد عدالت کوں ڈسایا جو وینٹی لیٹر زدی خریدار ی دی سمری وزیر اعلی پنجاب سردار عثمان بزدار ڈے پئی اے ۔

چیف جسٹس کاوڑ کریندے ہوئیں آکھیا جو کتنی سمریاںوزیر اعلیٰ ڈے پن ۔وینٹی لیٹرز کوں مذاق سمجھ رکھی اے ، اساں وزیر اعلی کو ں سمری سمیت سڈ گھندوں تے اتھاں بہہ تے سمری منظور کرویندوں ۔ڈاکٹر یاسمین راشد جواب ڈتاجو پچھلی حکومت دے وزیر سمری تے دستخط کائنی کیتے تے موجودہ وزیر پیپرا رولز دے تحت دستخط نئی کر سگدی ۔چیف جسٹس آکھیا جو سابق وزیر آکھیے جو او پرانڑیں تاریخ اچ دستخط کائناں کریسن ۔

کیا وینٹی لیٹرز دے بغیر ہسپتال چل سگدن ؟نجی ہسپتال آئی سی یو دے بیڈ دا 23ہزار اتے وینٹی لیٹر زڈا 5ہزار وصول کریندن جیں تے صوبائی وزیر ڈاکٹر یاسمین راشد آکھیا جو ڈاہ ڈینھ اچ سمری منظور کرا گھنسوں ،سپریم کورٹ 279وینٹی لیٹر زمنگواونڑ کیتے پنجاب حکومت کوں چا رمہینے دا وقت ڈیندے ہوئیں کیس دی مزید سماعت ملتوی کر ڈتی۔