کراچی(پاکستان پوائنٹ نیوز26دسمبر 2018ء) متحدہ قومی مومنٹ (ایم کیو ایم) پاکستان دے رہنماءاتے سابق رکن قومی اسمبلی علی رضا عابدی کوں بدھ کو ں ڈیفنس دے قبرستان اچ سپرد خاک کرڈتا گے ۔ ایندے توں پہلے انہاں دی نماز جنازہ ظہرین دے بعد ڈیفنس سوسائٹی اچ واقع امام بارگاہ یثرب اچ ادا کیتی گی ۔ نماز جنازہ علامہ حسن ظفر نقوی پڑھائی۔ نماز جنازہ تے تدفین اچ متحدہ قومی موومنٹ (پاکستان)، پاک سرزمین پارٹی (پی ایس پی)، سیاسی و سماجی شخصیات، عزیز و اقارب، دوستاں اتے اہل محلہ ودھ ساری تعداد اچ شرکت کیتی ۔
واضح رہے جو علی رضا عابدی کوں نامعلوم ملزمان منگل کوں ڈیفنس فیز 5 دے علاقے خیابان غازی اچ انہاں دے گھر دے باہر نشانہ بنڑایا ہئی جیں دے نتیجے اچ انہاں دم ڈے ڈتا ۔ انویسٹی گیشن پولیس ایم کیو ایم دے سابق رکن قومی اسمبلی علی رضا عابدی دے قتل دی تفتیش کیتے انہاں دے گھر تعینات 2 سیکورٹی گارڈز کو ں حراست اچ گھن گھدے ۔ علی رضا عابدی دے اہل خانہ نال ملاقا ت دے بعد صحافیاں نال گال مہاڑ کریندے ہوئیں ایس ایس پی ساﺅتھ پیر محمد شاہ ڈسایا جو واقعہ دی ذاتی جھیڑے، سیاسی اتے مذہبی سمیت ہر پہلو نال تحقیقات کریندے پیوں ، علاقے اچ لگیے ہوئے سی سی ٹی وی کیمریں اچ ڈو ترائے مقدمیں تے ملزماں دی نشاندہی تھی اے ، فرانزک تحقیقات جاری اے جو ہتھیار پہلے کڈاہیں کہیں واقعے اچ استعمال تھے یا کائناں۔