تھر انرجی داکوئلہ توں 330 میگا واٹ بجلی بنڑاونڑ دا منصوبہ شروع کرنڑ دا اعلان

اسلام آباد (پاکستان پوائنٹ نیوز26دسمبر 2018ء) تھر انرجی لمیٹڈ تھردے کوئلہ توں 330 میگا واٹ بجلی بنڑاونڑ دا منصوبہ شروع کریسی۔وزارت توانائی ذرائع مطابق ایں سلسلے اچ چین پاکستان اقتصادی راہداری دی سانجھی تعاون کمیٹی دے حالیہ اجلاس اچ مالی مدد سانگے دستخط کیتے گئے۔ منصوبہ فوجی فرٹیلائزر کمپنی لمیٹڈ (ایف ایف ای سی ایل) اپنڑے بئے سانجھداراں دے نال رل مل تے مکمل کریسی۔ تھر انرجی لمیٹڈ 330 میگا واٹ بجلی بنڑاونڑ سانگے قائم کیتی گی ہے ،جیندے اچ تھر کول بلاک ٹو دا کوئلہ استعمال کیتا ویسی۔ تھر انرجی لمیٹڈ اچ ایف ایف ای سی ایل دا حصہ 30 فیصد ، حبکو دا 60 فیصد اتے سی ایم ای سی ٹیل پاور انویسٹمنٹ دا 10فیصد ہے ۔منصوبے توں2021ءدی ادھ تئیں پیداوار شروع تھیونڑ دا امکان ہے۔