گزریل مالی سال دوران ای کامرس دے شعبہ دی سیلز اچ 93.7 فیصد ودھارا تھیا ، سٹیٹ بینک

اسلام آباد (پاکستان پوائنٹ نیوز26دسمبر 2018ء) انٹرنیٹ دے استعمال اچ ودھارے نال ای کامرس دا شعبہ وی تکھے ترقی کریندا پئے۔ پاکستان اچ انٹرنیٹ استعمال کرنڑ آلیاں دی مجموعی تعداد 63 ملین ہے جیندے اچ 61 ملین صارفین تھری اتے فور جی صارف ہن۔ سٹیٹ بینک آف پاکستان (ایس بی پی) دی رپورٹ مطابق گزریل مالی سال 2017-18ءدوران ای کامرس دے شعبہ دی سیلز اچ 93.7 فیصد دا ودھارا تھیا اتے دوران سال 40.1 ارب روپے دی سیلز کیتی گی۔ مالی سال 2016-17ء دوران 20.7 ارب روپے دی سیلز ریکارڈ کیتی گی ہن۔ رپورٹ مطابق گزریل مالی سال دوران خدمات دے شعبہ دے آن لائن کاروبار اچ ودھارا تھیا اتے ایں شعبہ دا مجموعی قومی پیداواراتے جی ڈی پی اچ حصہ 52 فیصد دے مقابلہ اچ 60 فیصد تئیں ودھ گئے ۔