اسلام آباد (پاکستان پوائنٹ نیوز26دسمبر 2018ء) سٹیٹ بینک آکھیے جو مالی سال (2018-19ئ) دے پہلے پنج مہینے دوران روایتی بینکاں ولوں نجی شعبے کو ڈتے گئے قرض اچ400 فیصد ودھارا تھئے۔بینک توں جاری اعدادوشمار مطابق گزریل مالی سال دے مقابلے اچ جاری مالی سال دوران (پہلی جولائی توں 5 دسمبر) اسلامی بینکاں ولوں نجی شعبہ کوں ڈتے گئے قرضیاں اچ 8 گنا دا ودھارا تھیا۔
جاری مالی سال 5 دسمبر تئیں روایتی بینکاں ولوں نجی شعبہ کوں 268.5 ارب روپے دے قرضے جاری کیتے گئے جڈاں جو گزریل مالی سال دے ایں عرصے اچ نجی شعبے کوں روایتی بینکاں ولوں صرف 65 ارب روپے دے قرضے ڈتے گئے ہن۔ ڈوجھا پاسے اسلامی بینکاری دے شعبے اچ قرضیاں دی فراہمی اٹھ گنا ودھارے نال48.5 ارب روپے رہی، گزریل سال ایں عرصے دوارن ایندا حجم 6.2 ارب روپے رہیا۔ گزریل مالی سال دے مقابلے اچ جاری مالی سال دے پنج مہینے دوران روایتی بینکاں ولوں نجی شعبے کوں قرضے ڈیونڑ اچ 400 فیصد یعنی 203.5 ارب روپے جڈاں جو اسلامی بینکاری دے شعبہ ولوں نجی شعبہ کو ں ڈتے گئے قرضں دا حجم 42.3 ارب روپے دا ودھارا ریکارڈ کیتا گیا۔
