ملتان (پاکستان پوائنٹ نیوز25دسمبر 2018ء) سارے ملک آلی کار ملتان اچ وی مسیحی برادری کرسمس تہوار جوش تے خروش نال منایا۔ایں موقع تے مختلف گرجاگھراں اچ دعائیہ تقریبات منعقد تھئیاں ،جنہاں ا چ پادریاں امن ،محبت ،بھائی چارے دے فروغ اتے پاکستان دی سلامتی سانگے دعائیں منگیاں۔صوبائی وزیر توانائی ڈاکٹر اخترملک اتے ڈپٹی کمشنرمدثر ریاض ملک کیتھڈرل چرچ گراس منڈی اتے کینٹ چرچ دا دورہ کیتا۔
گراس منڈی اچ انہاں فادر بشپ دے کٹھے کیک کٹیا اتے کرسمس دی مبارخباددپیش کیتی۔ صوبائی وزیر ڈاکٹر اختر ملک آکھیا جو پنجاب حکومت کرسمس دی خوشیاں اچ مسیحی برادری دے نال برابر دی شریک ہے۔انہاں آکھیا جواساںکرسمس دا تہوارقلیتی برادری دے حقوق دے تحفظ دے عزم نال منیندے پئے ہسے۔ ضلعی پولیس ولوں ملتان اچ کرسمس دے موقع تے سکیورٹی دے سخت انتظامات کیتے گئے ہن۔ ایں موقع تے گرجاگھراں دے اندر اتے باہر سی سی ٹی وی کیمرے لاتے گئے ہن ۔سی سی ٹی وی کیمراں دی نگرانی سانگے ڈی سی آفس اچ کنٹرول روم قائم کیتا گیا ہا۔43گرجاگھراں دی سخت نگرانی سانگے1300پولیس اہلکارتعینات کیتے گئے ہن ۔
