غیرملکی قرضیاں دی وصولیاں اچ پنج مہینے دوران ہک ارب ڈالردی گھٹکی تھئی، وزارت خزانہ

اسلام آباد (پاکستان پوائنٹ نیوز25دسمبر 2018ء) جاری مالی سال2018-19ءدے پہلے پنج مہیناں اچ غیرملکی قرضیاں دی مد اچ1.72 ارب ڈالردی وصولیاں تھئیاں جڈاں جو گزریل مالی سال دے ایں عرصہ دوران پاکستان غیرملکی قرضیاں دی مد اچ2.7 ارب ڈالر وصول کیتے ہن ۔ گزریل مالی سال دے مقابلے اچ جاری مالی سال دوران غیرملکی قرضیاں دی وصولیاں اچ ہک ارب ڈالردی گھٹکی تھئی ہے۔ وزارت خزانہ حکام آکھیے جو بجٹ اچ غیرملکی قرضیاں دی مد اچ رکھی گئی رقم دے مقابلے اچ 18 فیصد قرضے حاصل کیتے گئے ہن۔ ایں طرح گزریل مالی سال دے مقابلے اچ جاری مالی سال دے پہلے پنج مہیناں دوران غیرملکی قرضیاں دی وصولیاں اچ37 فیصد دی گھٹکی واقع تھی ہے۔