اسلام آباد (پاکستان پوائنٹ نیوز25دسمبر 2018ء) پاکستان الیکٹرانک میڈیا ریگولیٹری اتھارٹی(پیمرا) نیوز اینڈ کرنٹ افیئرز‘انٹرٹینمنٹ‘ تعلیم ‘زراعت اتے علاقائی زباناں توں متعلق کمرشل سٹیلائیٹ ٹی وی براڈ کاسٹ اسٹیشناں دے قیام اتے انہاں کوں چلاونڑ اچ دلچسپی رکھنڑ آلیاں توں 25جنوری تئیں درخواستاں منگ گھدیاں ہن۔پیمرا ذرائع مطابق پاکستان الیکٹرانک میڈیا ریگولیٹری اتھارٹی (پیمرا) پیمرا آرڈیننس 2002ءدے سیکشن 19تحت پاکستان اچ نیوز اینڈ کرنٹ افیئرز ‘ انٹرینمنٹ ‘ سپورٹس ‘ تعلیم (کمرشل بشمول سائنس اینڈ ٹیکنالوجی ‘ سیر تے سیاحت ‘ماحول وغیرہ) ‘زراعت اتے علاقائی زباناں سانگے کمرشل سیٹلائیٹ ٹی وی براڈ کاسٹ اسٹیشناں دے قیام سانگے درخواستاں دستاویزات سمیت25 جنوری شام 5وجے تئیںمنگ گھدیاں ہن ۔
دلچسپی رکھنڑ آلے لوک درخواست فارم پیمرا دی آفیشل ویب سائیٹ www.pemra.gov.pkتوںڈاﺅن لوڈ کرسگدن ۔لائسنس کامیاب بولی ڈیونڑ آلے اتے قنونی لوازمات پورے کرنڑ دے بعد عمل اچ لاتا ویسی ۔
