اسلام آباد (پاکستان پوائنٹ نیوز25دسمبر 2018ء) ساری دنیا آلی کار پاکستان اچ وی مسیحی برادری منگل کو ںکرسمس دا تہوار منایا گیا اتے ملک ترقی تے خوشحالی سانگے دعائیں منگیاں گئیاں۔ ایں موقع تے پاکستان دے سارے وڈے ہوٹلاں اچ خصوصی کرسمس ٹریز سجائے گئے ہن جڈاں جو گرجا گھراں اچ دعائیہ تقریبات دا سلسلہ وی جاری رہیا۔مختلف جئیںتے کرسمس ٹری کوں عام طور تے لائٹاںا تے تحفیاں نال سجایاگیا۔
ایں دوران کرسمس مارکیٹاں دے علاوہ عام مارکیٹاں اچ وی کرسمس دی خریداری کرنڑ آلیاں دا رش ہے ۔ کرسمس دے موقع تے مسیحی برادری اپنڑے رشتے داراں دے علاوہ جانڑن آلے مسلم گھراں اچ وی ملنڑ سانگے گئے اتے ایندے علاوہ گھراں اچ کرسمس دے کیک وی کٹے گئے۔ہک بئے کوں تحفے ڈتے گئے، کھاونڑ پیونڑ دیاں شئیں ہک بئے کوں ڈتیاں گئیاں، مسیحی رل مل تے ہک بئے دے گھراں اچ آندے ویندے رہے اتے چرچ وی گئے۔
بالاں وی کرسمس دیاں تیاریاں اچ ودھ چڑھ تے حصہ گھدا۔ کرسمس دے موقع بالاںکوں تحفے ڈتے گئے ۔بالاں تے وڈیاں ہک بئے کوںڈھگ سارے تحفہ ڈتے ۔ایں موقع تے پاکستان دی مختلف سیاسی جماعتاں ولوںوی اقلیتی مسیحی برادری دے نال اظہار یکجہتی سانگے مختلف تقریباں دا انعقاد کیتا گیا، جنہاں اچ کرسمس کیک وی کٹے گئے۔ مسیحی برادری سانگے کرسمس دے موقع تے مبارخاں، نیک خواہشات اتے دلی تمنا دا اظہار وی کیتا گئے۔
