اسلام آباد (پاکستان پوائنٹ نیوز25دسمبر 2018ء) وفاقی وزیر اطلاعات تے نشریات چوہدری فواد حسین کرسمس دے موقع تے مسیحی برادری کوں مبارخبادڈیندے ہوئیں آکھیے جو اوہ مسیحی بھرواں دی خوشیاں اچ برابر دے شریک ہن۔ منگل کوں اپنڑے پیغام اچ وفاقی وزیر اطلاعات تے نشریات چوہدری فواد حسین آکھیاجو بابائے قوم قائد اعظم محمد علی جناح دی بصیرت دی روشنی اچ غیر مسلم پاکستانیاں دے حقوق دا تحفظ پاکستان تحریک انصاف دی حکومت دی پہلی ترجیح ہے۔
انہاں آکھیا جو پاکستان دا آئین اقلیتاں دے حقوق دا ضامن ہے۔انہاں آکھیا جو مسیحی شہریا ں پاکستان دی مضبوطی ،ترقی ،خوشحالی اتے یکجہتی اچ اہم کردار ادا کیتے۔ انہاں آکھیا جو تعلیم، صحت اتے زندگی دے بئے شعبیں اچ مسیحی برادری دی خدمات تعریف دے قابل ہن۔
