اسلام آباد (پاکستان پوائنٹ نیوز25دسمبر 2018ء) وفاقی وزیر مذہبی امور تے بین المذاہب ہم آہنگی پیر نور الحق قادری آکھیے جو موجودہ حکومت اقلیتاں دے حقوق دے تحفظ دے نال نال انہاں کوں اپنڑیاں صلاحیتاں کوں ملکی ترقی سانگے استعمال کرنڑ دے برابر مواقع فراہم کر یندی ہے۔ کرسمس دے موقع تے اپنڑے پیغام اچ انہاں آکھیا جو سارے عقیداں دے لوکیں وچال ہم آہنگی پیدا کرنڑ سانگے پالیسیاں بنڑائیاں گن۔
انہاں آکھیا جو ماضی آلی کارایں سال وی کرسمس چنگا انداز اچ منایا ویندا پئے۔ انہاں آکھیا جو ایں خاص ڈینھ تے میں اپنڑیں تے پورے ملک ولوں پاکستان اچ رہونڑ آلے مسیحی بھراواں کوں خاص طور تے اتے ساری دنیا اچ رہونڑ آلے سارے عیسائیاں کوں کرسمس دی مبارخباڈینداں۔ انہاں آکھیا جو یسوع مسیح اللہ سائیں دے عظیم پیغمبراں وچوں ہک ہن ۔ انہاں انسانیت کو ںمحبت، امن، رواداری اتے قربانی دا پیغام ڈتا۔
انہاں آکھیا جو قائداعظم محمد علی جناح پاکستان دے قیام دے پہلے ڈینھ توں ہی مساوات، آزادی اتے سلامتی دی پالیسی دا اعلان کیتا ہا ۔ پاکستان اچ رہونڑ آلیاں اقلیتاں کوں آزادی حاصل ہے، آئین پاکستان انہاں دے حقوق کوں تحفظ ڈیندے۔ انہاں آکھیا جو خوشحالی دے ایں ڈینھ اوہ اپنڑے عیسائی بھراواں کوں دلوں مبارخباد ڈیندن ۔انہاں آکھیا جوا نہاں کوں امید ہے جو مسیحی برادری پاکستان اچ امن، ترقی اتے خوشحالی دے فروغ سانگے اپنڑاں کردار ادا کرنڑ جاری رکھیسی۔
