بانی پاکستان دے ”ایمان، اتحاد، تنظیم“ دے سنہری اصولاں دی پیروی کرنڑدی اشد ضرورت ہے ، قوم معاشرے توں انتہاءپسندی، دہشت گردی اتے بدعنوانی دی لعنتاں توں جان چھڑاون سانگے اپنڑیاں صفاں اچ اتحاد پیدا کرے،

اسلام آباد (پاکستان پوائنٹ نیوز25دسمبر 2018ء) صدر مملکت ڈاکٹر عارف علوی بانی پاکستان دے ”ایمان، اتحاد، تنظیم“ دے سنہری اصولاں دی پیروی کرنڑ دی ضرورت تے زور ڈیندے ہوئیں آکھیے جو قوم معاشرے توں انتہاءپسندی، دہشت گردی اتے بدعنوانی دی لعنتاں توں جان چھڑاونڑ سانگے اپنڑیاںصفاں اچ اتحاد پیدا کرے اتے ایں عزم دی تجدید کیتی ونجا جو قائداعظم دے وژن دی روشنی اچ مادر وطن دی خدمت سانگے انفرادی اتے اجتماعی طور تے انتھک محنت کریسوں۔

صدر مملکت ایہ گالھ بابائے قوم قائداعظم محمد علی جناحؒ دی142ویں سالگرہ دے موقع تے اپنڑے پیغام اچ آکھی۔ انہاں آکھیا جو ایہ اساں ساریاں سانگے خوشی اتے جمہوریت، روشن خیالی، آئین دی بالادستی اتے قنون دی حکمرانی دے اعلیٰ تصورات نال اپنڑیں وابستگی دے اعادہ کرنڑ دا موقع ہے جیویں اساڈے عظیم رہنماءاپنڑیں پوری زندگی گزاری۔ ڈاکٹر عارف علوی آکھیا جو قائداعظم محمد علی جناح برے حالات اچ برصغیر دے مسلماناں کوں ہک قوم دی حیثیت نال کٹھا کیتااتے انہاں سانگے ہک انجھ اتے خود مختار وطن حاصل کیتا جتھاں اوہ اپنڑیاں روایتاں اتے رسم و رواج مطابق زندگی گزار سگن۔

انہاں برصغیر دے مسلماناں دی وڈے مشکل دور اچ رہنمائی کیتی اتے انہاں نہایت مشکل حالت دا سامنڑاں کر تے جمہوری جدوجہد دے ذریعے ایں ملک کوں آزادی حاصل کرنڑ دے قابل بنڑایا۔ صدر آکھیا جو قائداعظم دی بصیرت اتے تصورات ست دہائیاں گزرن دے باوجود اج وی برمحل ہن، اساکوں انہاں دے ”ایمان، اتحاد، تنظیم“ دے اصولاں دی پیروی کرنڑ دی ضرورت ہے، اﷲ سائیں دے فضل تے کرم نال اساڈا ملک بابائے قوم دے تصورات دی روشنی اچ ترقی تے خوشحالی دی راہ تے گامزن تھی گئے۔ انہاں آکھیا جو اج دے ڈینھ اساکوںایںعزم دی تجدید کرنڑ چاہیدی ہے جو اساں اپنڑے قائداعظم دے وژن دی روشنی اچ اپنڑے عظیم ملک دی خدمت سانگے انفرادی اتے اجتماعی طور تے انتھک محنت کریسوں۔