اسلام آباد (پاکستان پوائنٹ نیوز24دسمبر 2018ء) سال 2014ء دوران حجاب دی بین الاقوامی تجارت دا حجم 230 ارب ڈالر رہیا جڈاں جو 2020ءتئیں حجاب اتے عبایا دی عالمی مارکیٹ دا حجم 327 ارب ڈالر تئیں ودھنڑ دا امکان ہے۔ برطانوی نشریاتی ادارے (بی بی سی)دی رپورٹ مطابق مسلم اپیرل انڈسٹری تکھے ترقی کریندی پی ہے اتے ساری دنیا اچ اسلامی ملبوسات دے استعمال اچ ودھارا تھیندا پئے۔
ایں ویلھا مسلم اپیرل انڈسٹری اچ ملائیشیا، ترکی اتے انڈونیشیا کلیدی کردار ادا کریندے پن اتے انہاں ملکاں ولوں تیار کیتی گی مصنوعات پوری دنیا اچ برآمد کیتیاں ویندیاں پن۔ رپورٹ مطابق پاکستان حجاب اتے عبایا دی عالمی مارکیٹ توں ڈگھ سارے فائدے گھن سگدے اتے ایں حولاے نال عالمی مارکیٹ دی ضرورتاں دے پیش نظر ویلیو ایڈڈ مصنوعات دی تیاری تے خصوصی توجہ دی ضرورت ہے۔
رپورٹ مطابق ہول سیل منڈیاں اچ خوبصورت اتے سٹائلش حجاب اتے عبایا دی ہول سیل قیمت 25 ڈالر ہے جڈاں جو پاکستان دے برکا بنڑاونڑ آلے ادارے عالمی خریداراں کوں 2 توں 4 ڈالر فی برکا دی پیشکش کر یندے پن۔ بی بی سی دی رپورٹ مطابق پاکستان دی مسلم فیشن انڈسٹری ملائیشیا، ترکی اتے انڈونیشیا دے مقابلہ اچ ٹھیک طریقے نال آرگنائز کائنی ہن، ایں پاروں ایہ ملک مسلم فیشن انڈسٹری تے قبضہ کیتے ہوئے ہن۔
ترکی مسلم فیشن انڈسٹری دا وڈ صارف ہے اتے سال 2013ءدوران ترکی ایندے تے 39.3 ارب ڈالر خرچ کیتے ہن جڈاں جو متحدہ عرب امارات داخرچ 22.5 ارب ڈالر رہیا۔ مسلم فیشن انڈسٹری دے ماہرین آکھیے جو پاکستان اچ ایںصنعت دی ترقی دے ڈھگ سارے امکانات موجود ہن جنہاں تروں فائدے گھنڑ سانگے جدید ترین ٹیکنالوجی دے استعمال نال ویلیو ایڈڈ مصنوعات دی تیاری تے خصوصی توجہ ڈیونڑ دی ضرورت ہے۔ انہاں آکھیے جو صرف حجاب تے برکھے دی برآمدات دے ودھارے نال پاکستان سالانہ ارباں ڈالر دا قیمتی زرمبادلہ کما سگدے۔
