اسلام آباد (پاکستان پوائنٹ نیوز24دسمبر 2018ء) 10 سال دوران ٹیکسٹائل برآمدات اچ 27 فیصد ودھرا تھئے۔ عالمی بینک دی رپورٹ مطابق پاکستان داشمار پھٹی دی پیداوار کرنڑ آلے وڈے ملکاں اچ تھیندے اتے اتھوں دی پھٹی دا معیار کپاہ پیدا کرنڑآلے بئے کئی ملکاں دے مقابلے اچ ودھ سارا چنگا ہے ،تاں جوٹیکسٹائل برآمدات اچ خطے دے بئے ملکاں دے مقابلے اچ گھٹ ودھارا تھئے ۔
رپورٹ مطابق سال 2005ءتوں 2016ءدوران بنگلہ دیش دی ٹیکسٹائل برآمدات 276 فیصد جڈاں جو ویتنام دی ٹیکسٹائل برآمدات اچ ایں عرصہ دوران 445 فیصد دا ودھار اتھئے ،جڈاں جو ایہ ڈوہائیں ملک پھٹی کاشت نی کریندے ۔ پھٹی پیدا نہ کرنڑ آلے ملکاں دی برآمدات دے مقابلے اچ پاکستان دی ٹیکسٹائل برآمدات اچ گھٹ شرح نال تھیونڑ آلاودھاراتوجہ دے قابل ہے۔ ادارہ برائے شماریات پاکستان (پی بی ایس) دے اعدادوشمار مطابق گزریل مالی سال دے مقابلے اچ جاری مالی سال دوران ٹیکسٹائل دی ملکی برآمدات معمولی تبدیلی دے نال 5.5 ارب ڈالر رہی۔
ایں شعبہ دے ماہرین آکھیے جو ٹیکسٹائل دی روایتی برآمدات دی بجائے مارکیٹ دیاںضرورتاں مطابق ویلیو ایڈڈ مصنوعات دی تیاری اتے ایں سانگے جدید ٹیکنالوجی توں فائدے گھنڑ نال برآمدات اچ ودھارے کوں یقینی بنڑایا ونج سگدے۔
