اسلام آباد (پاکستان پوائنٹ نیوز24دسمبر 2018ء) کرسمس دے موقع تے پورے ملک اچ بجلی دی کوئی لوڈ مینجمنٹ کائناں تھیسی۔ ترجمان پاور ڈویژن دے مطابق وزیراعظم عمران خان دی ہدایت تے پاور ڈویژن ساریاں ڈسٹری بیوشن کمپنیاں کوں ہدایت جاری کر ڈتن جو 24 دسمبر دی شام توں 25 دسمبر دی رات تئیں کہیں قسم دی کوئی لوڈ مینجمنٹ نہ کیتی ونجے تاں جو مسیحی برادری اپنڑاں مذہبی تہوار پر سکون انداز اچ منا سگے۔
ساریاں ڈسٹری بیوشن کمپنیاں کوں ہدایت کیتی گی اے جو کہیں قسم دی خرابی کوں وختی دور کرنڑ کیتے ہنگامی ٹیماں مقرر کیتیاں ونجن ۔ گرجا گھراں کو ں بجلی دی فراہمی کیتے ایمرجنسی جنریٹرز دی دستیابی یقینی بنڑاونڑ سمیت خصوصی نگرانی کیتی ونجے تے بجلی دی فراہمی برقرار رکھنڑ کیتے سارے ضروری انتطامات کیتے ونجن ۔
