اسلام آباد (پاکستان پوائنٹ نیوز24دسمبر 2018ء) وزیر خارجہ مخدوم شاہ محمود قریشی اپنڑے چار ڈینھ دے چار ملکی دورے دے شروع اچ سنوار دی سویل کابل پج گئن ۔او 24توں 26دسمبر2018دے دوران افغانستان، ایران، چین اتے روس دا دورہ کر یندے پن ۔ اپنڑی آمد دے بعد وزیر خارجہ اپنڑے افغان ہم منصب صلاح الدین ربانی نال دارالحکومت کابل اچ وفد دی سطح تے مذاکرات کیتن ۔
دفتر خارجہ دے ترجمان اپنڑے ٹویٹ اچ آکھیے جو مذاکرات دے موقع تے فریقین سانجھی دلچسپی دے امور ،افغانستان دی ترقی تے خوشحالی، افغانستان اچ امن و امان دی صورتحال اتے مذاکرات دے عمل سمیت ڈوہیں ملکاں دے تجارتی تے اقتصادی رابطے دے ودھارے تے گال مہاڑ کیتی ۔ وزیر خارجہ دے رلے سیکرٹری خارجہ اتے وزارت خارجہ دے اعلیٰ حکام وی ہن ۔ اپنڑے دورے دے دوران وزیر خارجہ انہاں ملکاں دی اعلیٰ قیادت نال پاکستان دے سانجھے تعلقات تے مذاکرات کریسن جیں نال مختلف شعبیں اچ ڈو پاسے تعاون اچ ودھارا تھیسی ۔
سانجھے تعاون دے وداھرے دے اہم معاملات دے نال نال اپنڑے دورے دے دوران وزیر خارجہ تکھے بدلتی ہوئی علاقائی تے بین الاقوامی صورتحال تے وی انہاں ملکاں دی قیادت نال گال کریسن جڈاں جو ملاقاتاں اچ افغانستان اچ امن و امان تے مذاکرات دی اجوکی کاوش تے گال کیتی ویسی ۔
