اسلام آباد (پاکستان پوائنٹ نیوز24دسمبر 2018ء) وزیر خارجہ مخدوم شاہ محمود قریشی آکھیے جو پاکستان اپنڑے ہمسایہ ملکاں دے نال چنگے تعلقات، خطے دی ترقی ،خوشحالی اتے امن چاہندے۔ سنوار کوں اپنڑے ترائے ڈینھ دے دورے تے روانہ تھیونڑ توں پہلے پاکستان ٹیلی ویژن نال خصوصی گالھ بات کریندیں انہاں آکھیے جو علاقائی ملکاں دے نال نیڑے دے سیاسی تے تجارتی تعلقات قائم کرنڑ پاکستان تحریک انصاف دی حکومت دی پہلی ترجیحات اچ شامل ہے۔
انہاں آکھیے جو پاکستان ہک امن پسند ملک ہے اتے پاکستان بئے ملکاں خاص طور تے ہمسایہ ملکاں دے نال یاری آلے تعلقات دی پالیسی تے ہمیشہ عمل کیتے۔ انہاں آکھیے جو پاکستان اپنڑے سارے ہمسایہ ملکاں دے نال چنگے تعلقات چاہندے اتے پاکستان ہمیشہ جھیڑے مکاونڑ سانگے مذاکرات کوں ترجیح ڈتی ہے۔ انہاں اپنڑے دورہ افغانستان، ایران، چین اتے روس تے روشنی پیندے ہوئیں آکھیے جو اوہ پاکستان دے نال انہاں ملکاں دے نال ڈوطرفہ تعلقات دے ودھارے اتے استحکام سانگے گال کریسن۔ انہاں آکھیے جو پاکستان تحریک انصاف دی حکومت ملک کوں درپیش مسلے حل کرنڑ سانگے مخلص تھی تے کوششاںکریندی پی ہے ،تاں جو ملک کوں بحران توں کڈھیا ونج سگے۔
