اسلام آباد (پاکستان پوائنٹ نیوز22دسمبر 2018ء) پاک فضائیہ اتے پیپلز لبریشن آرمی ائیر فورس وچال مشترکہ بین الاقوامی فضائی مشق شاہین VII پاکستان دے آپریشنل ائیر بیس تے مک گئی اے۔ڈو ہفتیاں دی مشق دی اختتامی تقریب اچ ڈپٹی چیف آف دی ائیر سٹاف (آپریشنز) ائیر مارشل محمد حسیب پراچہ مہمان خصوصی ہن۔ چین دے دفاعی اتاشی میجر جنرل چن ونرانگ وی موجود ہن۔
ایں موقع تے ڈوہاں ملکاں دے اعلی عہدیداران کوں مشق تے تفصیلی بریفنگ ڈتی گئی۔ائیر مارشل محمدحسیب پراچہ اتے میجر جنرل چن ونرانگ اپنڑے خطاب اچ مشق اتے ڈوہاں فوجاں دے پیشہ ورانہ کردار و مہارت دی تعریف کیتی۔ ایں توں پہلے مشترکہ فضائی مشق مکنڑ تے Distnguished Visitors' Day وی منایا گئے۔تقریب اچ پاک فضائیہ دے جنگی ہیروز، پیپلزلبریشن آرمی ائےر فورس دے اعلی عہدیداران،چین دے سفارتکار اںدے علاوہ حاضر سروس اتے ریٹائرڈ افسران وی موجود ہن۔معزز مہماناں مشق دے معائنہ سیل دا دورہ کیتا اتے مشق کراونڑ داطریقہ کار وی ڈٹھا۔ مہماناں پاک فضائیہ اتے چینی فضائیہ دے جدید لڑاکا طیاراں اتے معاون عناصر دی فضائی مشق ڈٹھی۔
