اسلام آباد (پاکستان پوائنٹ نیوز22دسمبر 2018ء) چیئرمین سینیٹ محمد صادق سنجرانی پارلیمانی وفد دے نال یمن اچ قانونی حکومت دی بحالی کیتے سعودی عرب دی سربراہی اچ بنڑائے گئے فوجی اتحاد دے ہیڈ کوارٹرز دا دورہ کیتے جتھاں فوجی اتحاد دے سربراہ لیفٹیننٹ جنرل شہزادہ فہد بن ترکی بن عبدالعزیز السعود متحدہ فورسز بارے سینیٹ وفد کوں بریفنگ ڈتی۔ سینٹ سیکرٹریٹ دے مطابق چیئرمین سینیٹ یمن بارے فوجی اتحاد دے سربراہ دا وفد دے استقبال اتے مہمان نوازی تے شکریہ اداکیتے ۔
چیئرمین سینیٹ محمد صادق سنجرانی آکھیا جو پاکستان اتے سعودی عرب سودھے پوری امت مسلمہ کوں دہشتگردی جھیں بئے کئی مسلیاں دا سامنڑا اے، ایں سانگے پاکستان سعودی عرب دا پورا ہتھ ونڈیسی،یمن اچ امن اتے قانونی حکومت دی بحالی کیتے شاہ سلمان اتے شہزادہ محمد بن سلمان دیاں کوششاں قابل تعریف ہین۔
