وزارت قانون تے نیب دے حکام ارکاناں دے سوال دے جواب آندے اجلاس اچ حاضری یقینی بنڑاون،ڈپٹی سپیکر

اسلام آباد (پاکستان پوائنٹ نیوز21دسمبر 2018ء) ڈپٹی سپیکر قومی اسمبلی قاسم خان سوری ہدایت ڈتی اے جو آندے اجلاس اچ وزارت قانون و انصاف اتے نیب حکام اراکاناں دے سوال دے جواب کیتے ایوان اچ حاضری یقینی بنڑاون۔جمعے کوں قومی اسمبلی اچ سوالاں دے وقفے دے دوران چوہدری فقیر احمد دے نیب متعلق سوال دا جواب نہ ملنڑ تے رکن اسمبلی دے احتجاج تے ڈپٹی سپیکر قومی اسمبلی ہدایت کیتی جو وزارت قانون تے نیب دے حکام آندے اجلاس اچ حاضری یقینی بنڑا تے جواب ڈیون ۔ وزیر مملکت پارلیمانی امور علی محمد خان ایوان کو ں یقین ڈویا جو نیب متعلق جواب دی وختی فراہمی کوں یقینی بنڑایا ویسی ۔