اسلام آباد (پاکستان پوائنٹ نیوز21دسمبر 2018ء) قومی اسمبلی اچ قائد حزب اختلاف محمد شہباز شریف کوں اتفاق رائے نال پبلک اکاﺅنٹس کمیٹی دا چیئرمین منتخب کرگھدا گے۔ جمعے کوں پبلک اکاﺅنٹس کمیٹی دا اجلاس پارلیمنٹ ہاﺅس اچ تھیا ۔جیں اچ چیف وہپ ملک عامر ڈوگر‘ ریاض فتیانہ‘ نصراللہ دریشک‘ اعجاز احمد شاہ‘ اقبال محمد علی خان‘ نور عالم خان‘ شہباز شریف‘ مشاہد حسین سید‘ شیخ روحیل اصغر‘ شاہدہ اختر علی‘ راجہ پرویز اشرف‘ حنا ربانی کھر‘ شیری رحمان ‘ سردار ایاز صادق‘ سید نوید قمر‘ شبلی فراز‘ رانا تنویر حسین اتے سردار اختر مینگل شرکت کیتی ۔
انتخابی عمل دی نگرانی قومی اسمبلی ڈے سپیشل سیکرٹری قمر سہیل لودھی کیتی ۔ شہباز شریف دا ناں مسلم لیگ (ن) دے رکن شیخ روحیل اصغر تجویز کیتا جیں دی تائید حکومت ولوں ملک عامر ڈوگر اتے مسلم لیگ (ن) دے سینیٹر مشاہد حسین سید کیتی ۔ قمر سہیل لودھی اعلان کیتا جو میاں محمد شہباز شریف کوں اتفاق رائے نال پبلک اکاﺅنٹس کمیٹی دا چیئرمین منتخب کرگھدا گے ۔انہاں نویں منتخب چیئرمین کوں سپیکر اتے ڈپٹی سپیکر ولوں مبارخ ڈتی۔ چیئرمین ڈا منصب سنبھالنڑ دے بعد محمد شہباز شریف سارے ارکان دا شکریہ ادا کریندے ہوئیں ارکان انہاں تے جیں اعتماد دا اظہار کیتے او ویندے تے پورے لہسن ۔
