اسلام آباد (پاکستان پوائنٹ نیوز20دسمبر 2018ء) مسلم لیگ ن اتے پیپلزپارٹی جنوبی پنجاب صوبہ بنڑاونڑ کیتے حکومت کوں تعاون دی پیشکش کیتی اے۔ قومی اسمبلی اچ اپوزیشن لیڈر شہبازشریف اجلاس اچ الویندے آکھیے جو حکومت جنوبی پنجاب صوبے کیتے پرائیویٹ بل گھن آوے،اساں ایندی حمایت کریسوں،اساں ایں معاملے تے اصلوں سیاست کریندے پئے ہیں نا ہی پوائنٹ اسکورنگ جیکر حکومت پرائیویٹ بل گھن آئی تاں ایندی حمایت کریسوں۔
انہاں آکھیے جو ماضی اچ نہ ونجو نتاں بہوں گالھیں کھلسن۔ڈوجھے پاسو اجلاس اچ ایں معاملے تے الویندے ہوئیں پیپلزپارٹی رہنماخورشید شاہ وی جنوبی پنجاب صوبہ دی حمایت کریندے آکھیے جوپیپلزپارٹی جنوبی پنجاب صوبہ تے پیش رفت چاہندی اے، پیپلز پارٹی مکمل حمایت کریسی۔ سابق وزیر اعظم راجہ پرویز اشرف آکھیا جو جنوبی پنجاب صوبہ بڑنڑاچاہیدے ایندے کیتے پیپلزپارٹی بہوں محنت کیتی اے،سابقہ حکومتاں تے الزام چھوڑ تے جنوبی پنجاب صوبے بارے عملی اقدامات کیتے ونجن۔
