ملک اچ سکول نہ ونجنڑ آلے بالاں دی تعداد ڈو کروڑ 28لکھ اے، وفاقی وزیر تعلیم شفقت محمود

اسلام آباد (پاکستان پوائنٹ نیوز20دسمبر 2018ء) سینٹ کوں ڈسایا گے جو ہنڑ ایں وقت ملک اچ سکول نہ ونجنڑ آلے بالاں دی تعداد ڈو کروڑ 28لکھ اے ،فنی تے پیشہ ورانہ تربیت دے ودھارے کیتے اقدامات کریندے پیوں ،اسلام آباد اچ 27 توں 28 ہزار سکول نہ ونجنڑ آلے بالاں کوں سکول اچ داخل کراونڑ کیتے مہم شروع کیتی گی اے ۔خمیس کوں سینیٹ اچ سینیٹر مظفر حسین دے سوال دا جواب ڈیندے ہوئیں وفاقی وزیر آکھیا جو سکول نہ ونجنڑ آلے بالاں دی تعداد یونیسکو، اقوام متحدہ دے بئے اداریں تے اساڈے اداریں دی معلومات تے مشتمل اے تاں جو ایندی مزید تصدیق دی ضرورت کائنی ۔سکول نہ ونجنڑ آلے طالب علم تے طالبات دی تعداد اچ زیادہ فرق کائنی۔