ریاض (پاکستان پوائنٹ نیوز20دسمبر 2018ء) چیئرمین سینیٹ محمد صادق سنجرانی پارلیمانی وفد دے رلے شاہ سلیمان امدادی تے فلاحی مرکزدا دورہ کیتا ۔کے ایس ریلیف دے سربراہ ڈاکٹر عبداللہ الر ابیح وفد دا استقبال کیتا تے تنظیم دی کارکردگی اتے ایندے کم کار بارے بریفنگ ڈتی ۔انہاں ڈسایا جو ایں ادارے دا بنیادی مقصد پوری دنیا اچ اعلیٰ سعودی روایات دے عین مطابق انسانیت دے بچاﺅ کیتے امدادی کاروائیاں کرنڑ اے ۔
وفد کوں کے ایس ریلیف دی پوری دنیا اچ جاری امدادی سرگرمیاں خاص طور تے یمن ،شام، میانمار اتے عراق اچ انسانی ہمدردی دی بنیاد تے کیتے گے اقدامات بارے ڈسایا ۔ وفد کوںمزید ڈسایا جو یمن اچ کے ایس ریلیف ہنڑ تئیں تقریباً ڈو ارب ڈالر دی امدادی کارروائیاں کر چچے ۔ چیئرمین سینیٹ سعودی انسانی ہمدردی دے جذبے دی تعریف کیتی سراہا۔۔چیئرمین سینیٹ دے رلے وفد اچ سینیٹر ز احمد خان ، مرزا محمد آفریدی ،نصیب اللہ بازئی، فدا محمد خان ، محمد طلحہ محمود ، دلاور خان ، خانزادہ خان، غوث محمد نیاز ی اتے ایڈیشنل سیکرٹری سینیٹ حفیظ اللہ شیخ وی شامل ہن۔
