الیکشن کمیشن دی عام انتخابات 2018اچ حصہ گھننڑ آلے امیدواراں کوں انتخابی خرچے دی تفصیل 28 دسمبر تئیں جمع کراونڑ دی ہدایت

اسلام آباد (پاکستان پوائنٹ نیوز19دسمبر 2018ء) الیکشن کمیشن عام انتخابات 2018ءاچ حصہ گھننڑ آلے سارے امیدواراں کوں آکھیے جو او اپنڑے انتخابی خرچے دی تفصیل 28دسمبر تئیں جمع کراون نتاں انہاں دے خلاف قانونی کاروائی کیتی ویسی ۔ذرائع دے مطابق الیکشن کمیشن ایجھے سارے امیدواراں کوں اطلاع ڈتی اے جو ہنڑ تئیں اپنڑے انتخابی خرچے دی تفصیل متعلقہ ریٹرننگ افسراں یا ضلعی الیکشن کمشنرڈے جمع کراونڑ اچ ناکام رہ گن ، انہاں کوں آخری واری چتاونڑیں ڈتی گی اے جو او فوراً اپنڑے انتخابی اخرچے ( فارم سی) تے دیر نال جمع کراونڑ دی وضاحت دے نال اپنڑے متعلقہ ضلعی الیکشن کمشنر ڈے 28 دسمبر 2018ءتئیں جمع کراون نتاں انہاں دے خلاف قانونی کاروائی کیتی ویسی۔