اسلام آباد (پاکستان پوائنٹ نیوز19دسمبر 2018ء) قومی احتساب بیورو دا اجلاس چیئرمین جسٹس(ر) جاوید قبال دی صدارت اچ نیب ہیڈ کوارٹرز اچ منعقد تھیا جیں اچ نیب دے آپریشن ڈویژن اتے بئے سینئر افسراں شرکت کیتی ۔ اجلاس اچ شکاےا ت دی جانچ پڑتال ، انکوائریز اتے انوسٹی گیشنز خصوصاََ میگا کرپشن دے 179 مقدمیں تے ہنڑ تئیں پیش رفت دا جائزہ گھدا گیا ۔ اجلاس اچ ڈسایا گیا جو چیئرمین نیب دی ہدایت تے179میگا کرپشن دے مقدمیں اچوں105 مقدمیں کوں توڑ پجیندیں ہوئیں قانون دے مطابق بدعنوانی دے ریفرنس معزز احتساب عدالتاں اچ جمع کروائے گن جیرھے جو زیر سماعت ہن۔
15 مقدمیں انکوائری اتے19 مقدمیں انوسٹی گیشن دے مرحلے اچ ہن جیں تے قانون دے مطابق کاروائی جاری اے۔جڈاں جو 40 مقدمیں کوں قانون دے مطابق نبیڑ ڈتا گے۔ چیئرمین نیب آکھیے جو میگا کرپشن دے مقدمیں کوںمنطقی انجام تئیں پجاونڑ نیب دی پہلی ترجیح اے ۔
