ملتان (پاکستان پوائنٹ نیوز18دسمبر 2018ء) پاکستان کاٹن جنرز ایسوسی ایشن (پی سی جی اے)ولوں جاری کیتے گے اعدادشمار دے مطابق پنجاب دے کپاہ پیدا کرنڑ آلے 21 ضلعیں اچوں 17ضلعیں اچ ملتان، لودھراں، خانیوال، مظفرگڑھ، راجن پور، لیہ، وہاڑی، ساہیوال، پاکپتن، اوکاڑہ، ٹوبہ ٹیک سنگھ، فیصل آباد، جھنگ، میانوالی، بھکر، سرگودھا اتے بہاولپوراچ گزریل سال دے مقابلے اچ 2.68توں گھن تے 100فیصد تئیں گھٹ کپاہ جننگ فیکٹریاں اچ آئی ۔
پنجاب دے ضلع قصور دے پیداواری اعداد شمار کائنی ملیے ۔ سندھ دے 11اچوں 6 ضلعیں اچ حیدرآباد، میرپور خاص، سانگھڑ، نوشہرو فیروز، جام شورو اتے بدین اچ کپاہ دی پیداوار اچ 1.35 فیصدتوں گھن تے 75.60 فیصدتئیں گھٹ کپاہ جننگ فیکٹریاں اچ آئی۔ بلوچستان اچ کپاہ دی پیدواراچ مجموعی طورتے 2.13فیصدکمی ریکارڈکیتی گی۔
