اسلام آباد (پاکستان پوائنٹ نیوز17دسمبر 2018ء) وزیراعظم دے معاون خصوصی برائے سمندرپارپاکستانیز سیّد ذوالفقار عباس بخاری آکھیے جو اوورسیز پاکستانیاں دے ترسیلات زرپاکستاناچ اپنڑے ٹبراں کوں سوکھیں پچاونڑ کیتے جدید پلیٹ فارم ڈیونڑ سانگے ” ڈیجیٹل چیلنجر بینک“بنڑایا ویسی۔ اے گالھ انہاں ”اے پی پی“نال خصوصی گالھ مہاڑ کریندے آکھی۔ انہاں ہنڈی دے طریقہ کار اتے اوکھے بنکنک سسٹم پاروں بیرون ملک مقیم پاکستانی اپنڑے پیسے پاکستان بھجواونڑ کیتے اوکھے تھیندے ہن،ایں سانگے حکومت ” ڈیجیٹل چیلنجر بینک“بنڑاونڑ دا فیصلہ کیتے جیندے بارے وزارت اوورسیز پاکستانیز وزیر خزانہ کوں بریفنگ ڈتی اے۔
اے نظام منظوری کیتے ہنڑ وزیراعظم کون پیش کیتا ویسی۔ ڈیجیٹل چیلنجر بینک، نیشنل بینک آف پاکستا ن دے ہیڈ آفس اچ ہوسی ۔وزیراعظم دے معاون خصوصی آکھیا جو او آندے مہینے قطر دا دورہ کریسن جتھاں لیبر میکنزم سیل دا 5 رکنی وفدوی انہاں دے نال ہوسی۔
