اسلام آباد (پاکستان پوائنٹ نیوز17دسمبر 2018ء) قومی اسمبلی اچ پلوامہ اچ بھارتی سیکیورٹی فورسزولوں 14 کشمیریاں دی شہادت اتے سینکڑاں دے زخمی تھیونڑ دے خلاف مذمتی قرارداد متفقہ طورتے منظور کر گھدی گئی اے۔ قرار داد اچ کشمیریاں دی جدوجہد آزادی دی اخلاقی‘ سیاسی اتے سفارتی حمایت جاری رکھنڑ دا عزم دوہریندے ہوئیں بھارتی حکومت تے زورڈتا گئے جو او مقبوضہ کشمیر اچ انسانی حقوق دی خلاف ورزیاں اتے ریاستی دہشت گردی بند کرے‘ میڈیا تے پابندیاں ختم کرے اتے کشمیری عوام کوں اقوام متحدہ دی قرارداداں دے مطابق فیصلہ کرنڑ دا ھق ڈتا ونجے۔
اے قرارداد وزیر مملکت برائے پارلیمانی امور علی محمد خان پیش کیتی۔انہان آکھیے جو ایوان مطالبہ کریندے جومسئلہ کشمیر کشمیریاں دی مرضی دے مطابق حل کیتا ونجے اتے اقوام متحدہ دی سلامتی کونسل ایں بارے اپنڑا کردار ادا کرے۔قرارداد اچ او آئی ولوںمقبوضہ کشمیر اچ انسانی حقوق دی صورتحال بارے بیان دا خیر مقدم کیتا گئے۔ایوان قرارداد متفقہ طور تے منظور کر گھدی
