کیمرہ مین تے تشدددے ملزم گرفتار کیتے ویسن، ہک پکڑیا گئے ہک فرار ، نجی ٹی وی درخواست ڈے ڈتی اے، قانون دے مطابق کارروائی یقینی بنڑائی ویسی، ذخمی کیمرہ مین کیتے دعاگو ہیں۔

اسلام آباد (پاکستان پوائنٹ نیوز17دسمبر 2018ء) وفاقی وزیر اطلاعات و نشریات چوہدری فواد حسین آکھیے جو کیمرہ مین تے تشدددے ملزم گرفتار کیتے ویسن، ہک ملزم پکڑیا گئے اتے ہک فرارتھی گئے ، نجی ٹی وی درخواست ڈے ڈتی اے، قانون دے مطابق کارروائی یقینی بنڑائی ویسی، زخمی کیمرہ مین کیتے دعاگو ہیں۔ اے گالھ وفاقی وزیر اطلاعات و نشریات چوہدری فواد حسین دی ایس ایس پی اسلام آباد وقار خان دے کٹھے پارلیمنٹ ہاﺅس دے باہرو میڈیا دے نمائندیاں نال گالھ مہاڑکریندے ہوئے آکھی۔

انہاں آکھیا جو کیمرہ میناں تے تشدد کرنڑ آلیاں کوں 24 گھنٹے اچ گرفتار کرتے ایف آئی آر درج کیتی ویسی۔سماءٹی وی دے کیمرہ مین علی زیدی اتے واجد کوں پمز ہسپتال منتقل کرتے ایم آر آئی کیتی گئی اے، او بیہوش ہین، انہاں کیتے دعاگو ہیں۔وفاقی وزیر آکھیے جو ہک گارڈ کوں اسمبلی دی سکیورٹی تحویل اچ گھن گھدے،ایس ایس پی اسلام آباد گارڈدے خلاف صحافیاں دی درخواست تے ایف آئی آر درج کریسن،ڈوجھا ملزم طارق فضل چوہدری دی گاڈی اچ گئے جیندا ناں شکور اے اتے او نواز شریف دا چیف سکیورٹی آفیسر اے۔

ڈسایا گئے جو صحافی تنظیماں، ویڈیو نیوزدے نمائندیاں وی انجھ انجھ درخواست ڈیونڑ دا فیصلہ کیتے اتے وفاقی وزیر اطلاعات و نشریات چوہدری فواد حسین اتے ایس ایس پی اسلام آباددی یقین دہانی تے احتجاج ختم کرڈتے۔