اسلام آباد (پاکستان پوائنٹ نیوز17دسمبر 2018ء) صدر مملکت ڈاکٹر عارف علوی آکھیے جو سماجی شعبہ تے مصارف اچ ودھاراحکومت دی ترجیح اے،یونیورسل ہیلتھ کیئر اتے صحت بارے پائیدار ترقیاتی اہداف دے حصول کیتے صحت دے شعبہ اچ بجٹ رقوم کوں جی ڈی پی دے موجودہ 0.9 فیصد توں ودھا تے 2 فیصد کر ڈتا گئے۔اے گالھ انہاں عالمی ادارہ صحت (ڈبلیو ایچ او)دے ریجنل ڈائریکٹر ڈاکٹر احمد سلیم سیف المندہاری اتے ریجنل ڈائریکٹر یونیسف جین گوگ نال ہک ملاقات اچ کیتا۔
ایں موقع تے وفاقی وزیر صحت عامر محمود کیانی وی موجود ہن۔صدر ممکت غریباں کیتے ہیلتھ کارڈ سکیم،پولیو مکاونڑبارے اقدامات بارے ڈسایا اتے ایں سانگے ہتھ ونڈاونڑ تے بین الاقوامی برادری دا شکریہ ادا کیتا۔انہاں آکھیا جو پاکستان ٹی بی بارے اقوام متحدہ اعلیٰ سطحی اجلاس اتے 2030ءتئیں تپ دق کوں مکاونڑ کیتے پر عزم اے۔ انہاں فیملی پلاننگ اہداف،ملیریا، ڈینگی اتے بیاں بیماریاں توں بچاو¿ کیتے اقدامات نال آگاہ کیتا۔
