سٹیٹ بینک دے اینٹی منی لانڈرنگ اقدامات دے بعد ہنڑ ساری ٹرانزیکشناں بینکنگ چینلز دے ذریعے تھیندیاں پن، اقتصادی ماہرین

لاہور (پاکستان پوائنٹ نیوز14دسمبر 2018ء) بینکاراں سٹیٹ بینک آف پاکستان ولوں منی لانڈرنگ سمیت رقم دی غیر قنونی منتقلی روکنڑسانگے کیتے گئے غیر معمولی اتے ٹھوس اقدامات تے اطمینان دا اظہارکریندے ہوئیں آکھیے جو سٹیٹ بینک دے حالیہ اقدامات دے بعدہنڑ ودھ ساری ترسیلات بینکنگ چینلز دے ذریعے قنونی طریقے نال تھیندیاں پن۔ سٹیٹ بینک ذرائع ڈسایا جو مرکزی بینک حال اچ ہنڈی اتے حوالہ توں رقم منتقل کرنڑ دے خلاف سخت اقدامات کیتے ہن اتے ہنڑ رقم دی غیر قنونی منتقلی ممکن کائناں ہوسی جڈاں جوڈوجھا پاسے لہور دے ڈھگ سارے کرنسی ایکسپرٹس وی ایں گالھ نال اتفاق کیتے جو سٹیٹ بینک دے اقدامات دے بعد ہنڑ غیر قنونی ٹرانزیکشناںنا ممکن ہن۔

سٹیٹ بینک دے ڈیٹا مطابق جاری مالی سال دے پہلے پنج مہیناںاچ ، نومبر تو ں سبھ توں ودھ ترسیلات زر سعودی عرب توںتھئیاں، 2.5 فیصد دے ودھارے نا ل 2.152 ارب ڈالر رہی جڈاں جو ڈوجھانمبر تے متحدہ عرب امارات توں ترسیلات زر 10.6فیصدودھارے دے نال1.95ارب ڈالر جڈاں جو امریکا ایں حوالے نال تریجھا نمبر تے رہیا جیندی ترسیلات زر ایںدوران یعنی نومبر تئیں 33.2فیصدودھارے دے نال 1.393ارب ڈالر رہیاں۔