اسلام آباد (پاکستان پوائنٹ نیوز14دسمبر 2018ء) جاری مالی سال 2018-19ءدے پہلے پنج مہیناں اچ جولائی توں نومبر دوران سمندر پار رہونڑ آلے پاکستانیاں ولوں بھیجی گی ترسیلات زر دی شرح اچ 12.5 فیصد دا ودھارا تھیا۔ سٹیٹ بینک آف پاکستان (ایس بی پی)دی رپورٹ مطابق جاری مالی سال اچ جولائی توں نومبر 2018ءدوران سمندر پار رہونڑ آلے پاکستانیاں 9.028 ارب ڈالر دی ترسیلات زر کیتیاں جڈاں جو گزریل مالی سال اچ جولائی توں نومبر 2017ءدوران سمندر پار رہونڑ آلے پاکستانیاں 8.021 ارب ڈالر دی ترسیلات زر کیتیاں۔
گزریل مالی سال دے مقابلے اچ جاری مالی سال دوران پاہرلے ملکاں اچ رہونڑآلے پاکستانیاں ولوں بھیجی گی رقم دی شرح اچ 12.5 فیصد یعنی 1.007 ارب ڈالر دا اضافہ ودھاراریکارڈکیتا گئے ۔ اعداد وشمار مطابق جاری مالی سال اچ سعودی عرب توں سبھ توں ودھ 2.152 ارب ڈالر بھیجے گن جڈاں جو ڈوجھا نمبر تے متحدہ عرب امارات توں 1.95 ارب ڈالر اتے تریجھا نمبر تے امریکا توں بھیجی گی 1.393 ارب ڈالر دی ترسیلات زر شامل ہن ۔ ملائیشیاءتوںبھیجی گی ترسیلات زر اچ وی ودھارے نال ترسیلات زر دا حجم 616 ملین ڈالر تئیں پج گئے۔ ایں طرح برطانیہ توںبھیجی گی ترسیلات زر اچ وی ودھارے نال حجم 1.286 ارب ڈالر تئیں پج گئے۔
