پی پی 168 توںہارن آلے (ن) لیگی امیدوار ووٹاں دی دوبارہ گنتی سانگے درخواست جمع کرا ڈتی

لاہور (پاکستان پوائنٹ نیوز14دسمبر 2018ء) حلقہ پی پی 168توں ہارن آلے (ن) لیگی امیدوار رانا خالد قادری ووٹاں دی دوبارہ گنتی سانگے ریٹرننگ آفسر کنوںدرخواست جمع کرا ڈتی ہے۔پنجاب اسمبلی دے ایں حلقے اچ تحریک انصاف دے امیدوار ملک اسد علی17 ہزار 579 ووٹ گھن تے کامیاب تھئے جڈاں جو انہاں دے مخالف امیدروار (ن) لیگ دے رانا خالد 16 ہزار 892 ووٹ گھدے۔ (ن) لیگ دے امیدوار رانا خالد موقف اختیار کیتے جوحلقے اچ مسترد ووٹاں دی تعداد ودھ ہے لہذا ووٹاں دی دوبارہ گنتی دا حکم ڈتا ونجے ۔یاد رہوے جو خواجہ سعد رفیق ولوں خالی کیتی گی نشست پی پی 168 لہور اچ تھیونڑ آلے ضمنی الیکشن اچ غیر سرکاری نتیجے مطابق تحریک انصاف دے امیدوار ملک اسد علی کامیاب قرار پاتے ہن ۔