اسلام آباد (پاکستان پوائنٹ نیوز14دسمبر 2018ء) وفاقی وزیر منصوبہ بندی، ترقی، اصلاحات تے شماریات مخدوم خسرو بختیار آکھیے جو بلوچستان دی ترقی حکومت دی اہم ترجیحات اچ شامل ہے، مغربی روٹ سی پیک دا اہم منصوبہ ہے، سرکاری شعبہ دے ترقیاتی پروگراماں تحت وی بلوچستان اندر انفراسٹرکچر تے ڈیمز دے منصوبے مکمل کیتے ویسن۔ انہاں خیالیں دا اظہار انہاں بلوچستان ہاﺅس اسلام آباد اچ وزیر اعلیٰ بلوچستان جام کمال خان نال ملاقات اچ کیتا۔
ملاقات اچ بلوچستان توں تعلق رکھنڑ آلے سینیٹرز تے ارکان قومی اسمبلی وی موجود ہن۔ ملاقات اچ 20 دسمبر کوں تھیونڑ آلی سی پیک جے سی سی دیاں تیاریاں دا جائزہ وی گھدا گیا۔ ملاقات اچ وفاقی وزیر مخدوم خسرو بختیارآکھیا وج بلوچستان دی ترقی حکومت دی اہم ترجیحات اچ شامل ہے، مغربی روٹ سی پیک دا اہم منصوبہ ہے۔ انہاں آکھیا جو مغربی روٹ داژوب، ڈیرہ اسماعیل خان سیکشن دامنصوبہ جائنٹ کو آپریشن کمیٹی ایجنڈے اچ شامل ہے۔
ایں روڈ تعمیر نال بلوچستان اتے خیبر پختونخوا دے دور دراز دے علاقیاں دی ترقی ممکن ہوسی۔ انہاں آکھیا جو جے سی سی اجلاس اچ گوادر منصوبیں تے اہم پیش رفت تھیسی۔سی پیک تحت سماجی شعبے اچ ترقی دے کئی منصوبے شروع کیتے ویسن۔ وفاقی وزیر آکھیا جوسماجی شعبے دے منصوبیں اچ بلوچستاں کوں مناسب حصہ ڈتا ویسی، سماجی شعبے دے منصوبیاں کوں ترائے سال دے عرصے اچ عملی جامہ پواویا ویسی۔
سماجی شعبے تحت ملک دے پسماندہ علاقیاںخاصطور تے بلوچستان دی ترقی تے پوری توجہ ڈتی ویسی۔انہاں آکھیا جو پی ایس ڈی پی تحت دی بلوچستان دے اندر انفراسٹرکچر تے ڈیماں دے منصوبے مکمل کیتے ویسن۔وزیراعلیٰ بلوچستان جام کمال خان سی پیک مغربی روٹ منصوبے دے جے سی سی ایجنڈے اچ شامل تھیونڑ تے اطمینان دا اظہار کریندے ہوئیں آکھیا جوسماجی شعبے دے منصوبیں نال بلوچستان دی ترقی ممکن تھیسی، ایں ضمن اچ وفاقی حکومت دے تعاون دی اشد ضرورت ہے۔ انہاں آکھیا جوبلوچستان اچ ڈیمز منصوبیں نال پانڑیں دے شدید بحران تے قابو کرنڑ اچ مدد ملسی۔بلوچستان اچ سی پیک انفراسٹرکچر منصوبیں دے مکمل تھیونڑ نال پسماندہ علاقیاں اچ ترقی ممکن تھیسی۔
