اسلام آباد (پاکستان پوائنٹ نیوز14دسمبر 2018ء) پاکستان تحریک انصاف دے نو یںمنتخب اراکین سینیٹ ولید اقبال اتے سیمی ایزدی حلف چا گھدے۔ جمعہ کوں سینٹ اجلاس دے شروع اچ قائمقام چیئرمین سینٹ سلیم ایچ مانڈوی والا ولید اقبال اتے سیمی ایزدی توںبطور سینیٹرز حلف گھدا۔ ایں موقع تے سینیٹر سیمی ایزدی خیالیں دا اظہار کریندے ہوئیں آکھیاجوایوان دا حصہ بنڑن تے انہاں کوںخوشی تھیدنی پی ہے ، وزیراعظم اتے پاکستان تحریک انصاف دے چیئرمین عمران خان انہاں تے جیرھا اعتماد کیتے اوہ ایندے تے انہاں دی شکرگزار ہن۔
انہاں آکھیا جو ملک مشکل دور توں گزر دا پئے، رل مل تے ملک سانگے بہوں کجھ کرنڑ ہے،اساکوں آوے دا آوا وگڑیا ہویا ملے، اساں ہر شعبہ کوں ٹھیک کرنے، تریمتیں کوں با اختیار بناونڑ ے، انہاں کوں حقوق ڈیوانڑن، اساں ہک مٹھ تھی تے ملک کوں اگی تے گھن تے ونج سگدوں۔ سینیٹر ولید اقبال آکھیا جو سینٹ دا رکن بنڑن انہاں سانگے اعزاز دی گالھ ہے، چیئرمین پاکستان تحریک انصاف سینٹ دا ٹکٹ ڈے تے انہاں تے اعتماد کیتے ،ایں پاروں اوہ انہاں دے شکرگزار ہن۔انہاں آکھیا جو میکوں ووٹ ڈیونڑ تے پنجاب اسمبلی دے ارکانان دا شکر گزار ہاں، ساریاں کوں اپنڑے اعمال دا جواب ڈیونڑ اںہے، اساںملک کوں کرپشن توں پاک کرنا ہے، قنون ساریاں سانگے برابر ہے،اساں آئین اتے قنون دی بالادستی چاہندوں۔
