اسلام آباد (پاکستان پوائنٹ نیوز14دسمبر 2018ء) وزیر مملکت پارلیمانی امور علی محمد خان ولوں قومی اسمبلی کو ں ڈسایا گئے جو زلفی بخاری باہرلے ملک راہندن ‘ ایں سانگے ا وہ تارکین وطن دے معاملات کو ں چنگی طرح سمجھدن ‘ وزیر اعظم اپنڑے صوابدیدی اختیارات تحت کہیں کوں وی اپنڑاں معاون مقرر کر سگدن۔ جمعہ کو ںقومی اسمبلی اچ وقفہ سوالات دوران مرتضیٰ جاوید عباسی دے سوال دے جواب اچ وزیر مملکت پارلیمانی امور علی محمد خان ڈسایا جو پاکستان زرعی تحقیقاتی کونسل اچ رکن مالیاتی سید تراب حیدر اپنڑیں ہی تنخواہ اتے اپنڑے ہی سکیل اچ تعینات تھئے۔
وزیراعظم دی صوابدیدی ہوندی ہے جو اوہ کہیں وکں وی معاون دے طور تے تعینات کر سگدن اتے ا یہ قابلیت دی بنیاد تے تعیناتی ہوندی ہے۔ وزیراعظم اپنڑے کہیں یار کون نی لاتا۔ زلفی بخاری باہرلے ملک راہندن اتے اوہ انہاں تارکین وطن دے معاملات کو ں چنگا طریقے نال سمجھدن۔ کہیں کوں ذاتی بنیادیں تے ٹارگٹ نی کرنڑ چاہیدا۔ محسن شاہنواز رانجھا آکھیا جو اسسٹنٹ تے ایڈیشنل اٹارنی جنرل دیاںتعیناتیاں وی کیتیاں گن ،انہاں دا مطلوبہ تجربہ تے اہلیت کائنی ہے۔
سی ڈی اے اچ جیرھے لیگل ایڈوائزر لاتے گن ہیں انہاں کجھ عرصہ پہلے ہک موٹر سائیکل سوار فیملی کو ںچاٹ ماری اتے سپریم کورٹ ایندا ازخود نوٹس گھدا ہا ۔ علی محمد خان آکھیا جوااگر کہیں دا تجربہ پورا کائنی ہے تاں ایندے بارے تفصیل ڈساﺅ ،جائزہ گھدا ویسی۔ انہاں آکھیا جوجیرھا وی مطلوبہ معیا پورا نی کریندا وندا نوٹس گھنسوں۔
