خواجہ سعد رفیق دے پروڈکشن آرڈر جاری نہ کرنڑ تے اپوزیشن دا واک آﺅٹ

اسلام آباد (پاکستان پوائنٹ نیوز14دسمبر 2018ء) خواجہ سعد رفیق دے پروڈکشن آرڈر جاری نہ کرنڑ تے احتجاجاً اپوزیشن دیاں ساریاں جماعتاں ایوان توں واک آﺅٹ کیتا ۔ جمعے کوں قومی اسمبلی دے اجلاس اچ بلوچستان نیشنل پارٹی دے سربراہ سردار اختر مینگل وی مطالبہ کیتا جو خواجہ سعد رفیق دے پروڈکشن آرڈر جاری کیتے ونجن ۔انہاں ایں ضمن اچ ایوان توں احتجاجاً واک آﺅٹ وی کیتا ۔ قائد حزب اختلاف شہباز شریف آکھیا اساں ترائے ڈینھ توں خواجہ سعد رفیق دے پروڈکشن آرڈرزدا مطالبہ کریندے پیوں۔ سپیکر آکھیا ایں حوالے نال اساں قانونی مشاورت گھدی اے ۔ راجہ پرویز اشرف وی مطالبہ کیتا جو خواجہ سعد رفیق دے پروڈکشن آرڈر جاری کیتے ونجن ۔ایندے نال ہی اپوزیشن دے سارے ارکان واک آﺅٹ کر گے ۔