لاہور(پاکستان پوائنٹ نیوز13دسمبر 2018ء) صوبائی وزیر صحت ڈاکٹر یاسمین راشد دے زیر صدارت لاہور اچ ہک اعلیٰ سطھ اجلاس تھئے جیندے اچ صوبے اچ میڈیکل شعبے دے الاﺅنسز اچ ودھارے اتے شعبہ صحت اچ اصلاحات تے غورکیتا گئے۔ ایڈیشنل چیف سیکرٹری کیپٹن(ر) اعجاز، سیکرٹری سپیشلائزڈ ہیلتھ ثاقب ظفر، ڈین چلڈرن ہسپتال پروفیسر مسعود صادق،پرنسپل ’سمز‘ پروفیسر محمود ایازاتے ڈپٹی سیکرٹری محکمہ فنانس اجلاس اچ شرکت کیتی۔
ڈاکٹر یاسمین راشد ڈسایا جو ڈاکٹرز، کنسلٹنٹس اتے پروفیسرز دی کمی پوری کرنڑ اتے خصوصی الاﺅنس ڈیونڑ تے غور تھیندا پئے،ایں سانگے ہک سمری تیکھے منظوری کیتے پنجاب کابینہ اچ پیش کیتی ویسی،طبی اصلاحات تے عملدرآمدوی ودھایا ویندا پئے، مرحلہ وار ہر شعبے اچ بہتری گھن آسوں ،میڈیکل تعلیمی اداریاں کوں خود مختاری ڈتی ویسی۔
