قائد حزب اختلاف شہباز شریف دا خواجہ سعد رفیق دے پروڈکشن آرڈر جاری کرنڑ دا مطالبہ

اسلام آباد (پاکستان پوائنٹ نیوز13دسمبر 2018ء) قومی اسمبلی اچ قائد حزب اختلاف شہباز شریف خواجہ سعد رفیق دے پروڈکشن آرڈر جاری کرنڑ دا مطالبہ کیتے۔بدھ کوں قومی اسمبلی اچ نکتہ اعتراض تے انہاں آکھیا جو احتساب دے ناں تے جیڑھا کجھ تھیندا پے بہوں کجھ آکھ سگداں پر الزام خود میڈی ذات تے اے ایں سانگے کائنا آکھساں۔انہاں آکھیا جو خواجہ سعد رفیق ست لکھ لوکاں دے نمائندے ہن اتے الیکشن جتنڑ دے بعد رکن بنڑین انہاں دے پروڈکشن آرڈر جاری کیتے ونجن۔