راولپنڈی (پاکستان پوائنٹ نیوز13دسمبر 2018ء) پاک فوج دے سربراہ جنرل قمر جاوید باجوہ آکھیا جو پاک فوج وطن دی سرحداں دے تحفظ تے دفاع سانگے تیار اتے پوری پرعزم اے،ملک اچ سکیورٹی صورتحال بہتر تھیندی پئی اے،تاجر صنعتکاراں کوں محفوظ ماحول ڈیونڑ سانگے کردار نبھیندے رہسن۔او بدھ کوں گدرا سیکٹر تے اگلے موچیاں دے دورے دے موقع تے نینگراں نال خطاب کریندے پئے ہن۔
پاک فوج دے شعبہ تعلقات عامہ (آئی ایس پی آر) دے مطابق آرمی چیف ’ گدرا سیکٹر سندھ دے اگلے مورچے اتے تھرکول منصوبے دا دورہ کیتا،۔حکام ولوں منصوبیاں تے تھیونڑ آلی پیشرفت بارے بریفنگ ڈتی گئی۔آرمی چیف جنرل قمر جاوید باجوہ اگلے مورچیاں تے پاک فوج دے نینگراں دے مورال دی تعریف کیتی۔انہاں گالھ مہاڑ کریندیں ہوئیں آکھیا جو پاک فوج وطن دی سرحداں دے تحفظ تے دفاع سانگے تیار اتے پوری پرعزم اے۔۔ تھر کول منصوبے دے دورہ دے موقع تے ایم ڈی فوجی فرٹیلائز کمپنی لیفٹیننٹ جنرل (ر) طارق خان آرمی چیف دا استقبال کیتا۔
