اسلام آباد (پاکستان پوائنٹ نیوز13دسمبر 2018ء) پارلیمانی سیکرٹری ریلوے فرخ حبیب آکھیے جو احتساب تے گڈ گورننس نال اگی تے ودھسوں ۔نواز شریف اتے آصف زرداری دے احتساب نال جمہوریت کوں کوئی خطرہ کائنی‘ پارلیمنٹ اچ عوامی ایشوز تے گال کرن تے مقدمیں اچ عدالتیں دا سامنڑاں کرن ۔سسٹم تے حملہ نہ کرن ۔اے گال انہاں بدھ کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں آکھی ۔
انہاں آکھیا وزیراعظم ساریاں وزارتاں دی ترائے مہینے کاکردگی دا جائزہ گھدے ،انہاں ریلوے دی کاکردگی دی تعریف کیتی اے ۔پاکستان ریلوے 16مسافر ریل گاڈیاں دے علاوہ مال بردار ریل گاڈیاں وی چلائن ۔اساں اگوں تے اپنڑاں ہدف مقرر کر ڈتے ۔ریلوے دی کاکردگی کوں بہتر کرنڑ سانگے کم کریندے پیوں ۔انہاں آکھیا سارے جانڑدن جو قیصر امین بٹ پیراگون سوسائٹی اچ خواجہ سعد رفیق کیتے کیا کردار ادا کیتے ۔
