اسلام آباد (پاکستان پوائنٹ نیوز11دسمبر 2018ء) وفاقی وزیر تعلیم شفقت محمود آکھے جو ڈی چوک تے احتجاج کرنڑ آلے استاداں کوں وختی تنخواہیں ڈے ڈتیاں ویسن ،مسلم لیگ ن دی حکومت انہاں دا مسئلہ مستقل بنیاداں تے حل کرنڑ دی کڈاہیں کوشش کائنی کیتی ، مختلف اداریں نال گال مہاڑ کرتے ایں مسئلے دا وختی حل کڈھیا ویسی ۔ منگل کوں قومی اسمبلی اچ مہناز اکبر عزیز دے اعتراض دے نکتے دے جواب اچ وفاقی وزیر تعلیم شفقت محمود آکھیا جو جون تئیں مسلم لیگ (ن)دی حکومت رہی اے۔
استاداں دا مسئلہ انہاں کیوں حل کائنی کیتا ۔ہر سال انہاں استاداں سانگے پی سی ون بنڑدا ہئی ۔ولا انہاں کوں تنخواہ ڈتی ویندی ہئی ۔سابق حکومت ایں مسئلے دا کڈاہیں حل نئی کڈھیا ۔اے مسئلہ گزریل پنج ست سال توں ہر سال چاتا ویندے ۔ایں مسئلے دا مستقل حل گولنڑ دی کوشش کریندے پیوں ۔پی سی ون بنڑا تے سی ڈی ڈبلیو توں منظورکرا گھدا گے ۔ ایکنک دی منظوری دے بعد نتخواہیں ڈے ڈتیاں ویسن ۔ایں سانگے ترائے ارب روپے درکار ہوسن ۔
