اسلام آباد (پاکستان پوائنٹ نیوز11دسمبر 2018ء) وفاقی وزیر اطلاعات و نشریات چوہدری فواد حسین آکھیے جو میڈیا ہاﺅسز توں صحافیاں کوں بیروزگار کیتے ونجنڑ تے تشویش اے ،حکومت میڈیا ورکر دے نال کھڑی اے تے اساں انہاں دے حقوق دا تحفظ کریسوں ۔منگل کوں قومی اسمبلی اچ چوہدری فواد حسین آکھیا جو پارلیمانی رپورٹرز ایسوسی ایشن (پی آر اے) پریس گیلری توں واک آﺅٹ کیتے ۔
انہاں اے واک آﺅٹ میڈیا ہاﺅسز ولوں تنخواہیں دی عدم ادائیگی تے اداریں توں صحافیاں کوں بے روزگار کیتے ونجنڑ تے کیتے ۔انہاں ڈسایا جو میڈیا ہاﺅسز توں صحافیاں دیاں چھانٹیاں تے حکومت تے اپوزیشن کوں وی تشویش اے ۔ذرائع ابلاغ دے اداریں کوں ہک ارب 30 کروڑ روپے دے بقایا جات اچوں 18 کروڑ روپے ادا کیتے ویندے پن ۔انہاں آکھیا اداریں توں چھانٹیاں دا عمل رکنڑاں چاہیدے ۔ ذرائع ابلاغ دی صنعت کوں ریلیف ملنڑاں چاہیدے ۔ حکومت میڈیا ورکرز دے رلے کھڑی اے ۔اساں انہاں دے حقوق دا تحفظ کریسوں ۔
