قومی اسمبلی آئین اچ انسانی حقوق دی پاسداری تے عملدرآمد دے عزم دی متفقہ قرارداد منظوری کر گھدی

اسلام آباد (پاکستان پوائنٹ نیوز10دسمبر 2018ء) قومی اسمبلی پاکستان دے آئین اچ انسانی حقوق دی پاسداری تے عملدرآمددے عزم دی قرار داد منظور کر گھدی اے جیندے اچ آکھیا گئے جو پاکستان اچ اقلیتاں اتے تریمتیں دے حقوق دا تحفظ، آزادی اظہار اتے آزادی صحافت یقینی بنڑائی ونجے۔اے قرار داد وفاقی وزیر انسانی حقوق ڈاکٹر شیریں مزاری پیش کیتی تاں جو انسانی حقوق دا تحفظ یقینی بنڑا تے بھک اتے غربت تے قابو پاتا ونج سگے، عوام معاشی اتے سماجی طور تے خوشحال تھیون۔ قرارداد اچ جمہوری اقدار دے فروغ‘ قانون دی حکمرانی اتے انتہا پسندی دے رجحانات تے قابو پاونڑ دے اقدامات دا وی مطالبہ کیتا گئے۔