وہوا توں ملتان ونجنڑ آلی مسافر چشمہ نہرونج پئی، 8مسافر جاں بحق، کئی زخمی، 6گم گین

چشمہ کینال اچ ہیڈ صوبھہ دے نیڑے نجی کمپنی دی بس کوں حادثہ شدیدکوہیڑ پاروں پیش آئے، 11زخمی تحصیل ہیڈ کوارٹر ہسپتال تونسہ شریف منتقل،حادثے اچ مرنڑ آلے ترائے مسافراں دی وہوا اچ نماز جنازہ پڑھائی کئی، مقامی قبرغستان اچ دفنا ڈتا گیا

وہوا توں ملتان ونجنڑ آلی مسافر چشمہ نہرونج پئی، 8مسافر جاں بحق، کئی زخمی، 6گم گین
چشمہ کینال اچ ہیڈ صوبھہ دے نیڑے نجی کمپنی دی بس کوں حادثہ شدیدکوہیڑ پاروں پیش آئے، 11زخمی تحصیل ہیڈ کوارٹر ہسپتال تونسہ شریف منتقل،حادثے اچ مرنڑ آلے ترائے مسافراں دی وہوا اچ نماز جنازہ پڑھائی کئی، مقامی قبرغستان اچ دفنا ڈتا گیا

اسلام آباد (پاکستان پوائنٹ نیوز10دسمبر 2018ء) وہوا توں ملتان ونجنڑ آلی مسافر چشمہ نہرونج پئی جیں پاروں 8مسافر جاں بحق تھی گین اتے کئی زخمی تھین جڈاں جو حالی وی چھی مسافر گم ہین جنہاں کوں گولنڑ کیتے امدادی کم کیتا ویندا پئے۔ ڈسایا گئے جو نجی کمپنی دی بس سویلے سویلے تونسہ شریف دے علاقے وہوا توں ملتان کیتے ٹری بھل وستی صوبھیں دے نیڑے شید کوہیر پاروں ڈرائیور بس کوں نئیں سنبھال سگیا اتے او تیز رفتاری نال ہیڈ صوبھہ تے بھریج تے واہندی چشمہ نہر اچ ونج پئی۔

حادثے توں بعد مقامی لوک کٹھے تھین اتے ریسکیو1122دی ٹیم نال رل تے امدادی کماں اچ حصہ گھدا۔حادثے اچ بس کنڈکٹر سودھے اٹھ بندے موئن جڈاں جو یارھاں بئے زخمی تھی گین۔زخمی مسافراں کوں ٹبی قیصرانی اتے وہوا دے ہسپتالاں اچ طبی امداد توں بعد تحصیل ہیڈ کوارٹر ہسپتال تونسہ شریف پچا ڈتا گئے جتھاں مسافراں دی حالت خطرے توں باہرو ڈسائی ویندی اے۔مرنڑ آلیاں اچ ذوالقرنین کھتران ولد سردار الطاف اقبال کھتران سکنہ وہوا،غلام یٰسین ولد اللہ بخش سکنہ بنڈہ،فوجی ہدایت اللہ ولد خالقدادسکنہ وہوا، ہمایوں رشید ولد عبدالرشید لکھانی اتے بس کنڈیکٹر بالو خان سودھا ہک ان جانڑ مسافر وی شامل ہین۔

نہر دے پانڑی اچ گم تھیونر آلے چھی مسافراں کوں گولنڑکیتے امدادی کم جاری ہین جڈاں جو وہوا دی واسی ترائے نینگراں ہمایوں رشید، ہدایت اللہ اتے غلام یاسین کوں نماز جنازہ توں بعد مقامی قبرغستان اچ دفنا ڈتا گئے۔