ہائر ایجوکیشن کمیشن دے ترقیاتی کماں سانگے 11 ارب 80 کروڑ روپے جاری

اسلام آباد (پاکستان پوائنٹ نیوز10دسمبر 2018ء) وزارت منصوبہ بندی، ترقی تے اصلاحات سرکاری شعبہ دے ترقیاتی پروگراماں اچ ہائر ایجوکیشن کمیشن دے ترقیاتی کماں سانگے مجموعی طوتے ہنڑ تئیں 11 ارب 80 کروڑ50 لکھ روپے توں ودھ دے فنڈجاری کرڈتے گن۔حکومت ہائر ایجوکیشن دے ترقیاتی کماں سانگے جاری مالی سال اچ 30 ارب 96 کروڑ روپے توں ودھ دے فنڈزرکھے ہن۔ پلاننگ کمیشن ولوں جاری کیتے گئے اعداد وشمار مطابق حکومت پشین اتے خضدار اچ تریمتیں دی یونیورسٹیاں بنراونڑ سانگے 8 کروڑ، سکھر آئی بی اے دی اپ گریڈیشن سانگے10 کروڑ 72 لکھ، یونیورسٹی آف پونچھ راولاکوٹ سانگے 7 کروڑ50 لکھ، یونیورسٹی آف بلوچستان کوئٹہ سانگے20 کروڑ، یونیورسٹی آف ایجوکیشن لہور سانگے5 کروڑ، نیشنل ٹیکسٹائل یونیورسٹی فیصل آباد سانگے 16 کروڑ، اسلامیہ یونیورسٹی بہاولپور سانگے 9 کروڑ20 لکھ، پسماندہ علاقیاں اچ یونیورسٹیاں بنڑاونڑ سانگے 10 کروڑ، یونیورسٹی آف گجرات سانگے 10 کروڑ، ایئر یونیورسٹی اسلام آباد سانگے 8 کروڑ، ٹیکنالوجی ڈویلپمنٹ فنڈز سانگے 16 کروڑ، پبلک سیکٹر یونیورسٹیز سانگے 20 کروڑ، فاطمہ جناح وومن یونیورسٹی راولپنڈی سانگے 11 کروڑ 58 لکھ روپے توں ودھ دے فنڈز جاری کرڈتے ہن۔