اسلام آباد (پاکستان پوائنٹ نیوز10دسمبر 2018ء) وفاقی وزیر منصوبہ بندی، ترقی تے اصلاحات خسرو بختیار سی پیک دے مغربی روٹ دے حوالے نال چھپنڑ آلیاں خبراں کو ںمسترد کریندے ہوئیں آکھیے جو سی پیک دے مغربی روٹ تے تکھا کم جاری اے۔ سنوار کوں وفاقی وزیر اپنڑے ہک بیان اچ آکھیے جو سی پیک مغربی حصہ بلوچستان توں تھیندے ہوئیں کے پی کے دے گھٹ ترقی آلے علاقیں کوں آپس اچ رلیسی، ایں حصے اچ یارک۔
ژوب 210 کلومیٹر، پشاور۔برہان، ہکلہ۔یارک۔ ڈی آئی خان۔ مغلکوٹ۔ ژوب۔کوئٹہ۔ سوراب۔ بسیمہ۔ ہوشاب اتے گوادر سیکشن تے تعمیراتی تکھا کم جاری اے جیرھا جو 2019ءاچ پورا تھیسی ۔انہاں آکھیا جومغربی حصے یارک۔ڈی آئی خان۔ ژوب سیکشن اپریل 2017ءاچ ایکنک منظوری ڈتی ہائی اتے ایندے کیتے فنڈز وی رکھیے گے ہن ۔ باقی راہندے ساہندے 2 حصیں ژوب۔کچلاک۔ کوئٹہ/ کوئٹہ۔
سوراب دی فزیبیلٹی سٹڈی تیار کیتی ویندی پئی ہے۔ انہاں آکھیا جوگھٹ ترقی آلے علاقیاںکو ںترجیح ڈیونڑ اساڈی حکومت دی اولین پالیسی ہے اتے انہاں علاقیاں دی ترقی نال غربت اچ گھٹکی آوسی۔ انہاں آکھیا جو بلوچستان اچ سی پیک تحت ڈھگ سارے منصوبے شروع کیتے ویندے پن ،جیرھامختلف مرحلیاں اچ ہن جنہاں اچ خضدار۔بسیمہ این 30 روڈ، نوکنڈی۔ ماشوخیل۔پنجگور جو ایم 8 اتے این 85 کو ںجوڑن آلا روڈ، پیٹ فیڈر کینال توں کوئٹہ واٹر سپلائی سکیم، کوئٹہ ماس ٹرانزٹ سکیم ، بوہستان انڈسٹریل زون، 1320 میگاواٹ کول پاور پلانٹ حب، 300 میگاواٹ گوادر پاور پراجیکٹ، گوادر، ایسٹ بے ایکسپریس وے، گوادر انٹرنیشنل ایئرپورٹ، بریک واٹر دی تعمیر، گودی دی کھدائی، انفراسٹرکچر فری زون اتے ای پی زیز پورٹ تے متعلقہ صنعتاں اتے بئی سہولتاں شامل ہن۔
انہاں آکھیا جوگوادر اچ صاف پانڑیں دی فراہمی، پاک چائنہ فرینڈشپ ہسپتال گوادر، ٹیکنیکل اینڈ ووکیشنل سکول گوادر اتے گوادر سمارٹ پورٹ سٹی تے وی کم تھیندا پئے۔
