لاہور(پاکستان پوائنٹ نیوز10دسمبر 2018ء) وزیر اعلیٰ پنجاب سردار محمد عثمان بزداردی خصوصی ہدایت تے چیف سیکرٹری پنجاب ےوسف نسیم کھوکھر پورے صوبے اچ شوگر ملاں ولوں گنے دے کاشتکاراں کو ں رقم دی ادائیگی دی سختی نال مانیٹرنگ دی ہدایت کیتی اے تے مقررہ قیمت 180روپے منڑ ادا نہ کرنڑ آلیاں شوگر ملاں دے خلاف بلا امتیاز سخت کاروائی دا حکم ڈتا گے ۔ایں سلسلے اچ فیصل آباد ، سرگودھا ، گوجرانوالہ ، ساہیوال، لاہور ، راولپنڈی ، ملتان، بہاولپور، ڈی جی خان ڈویژن دے ڈویژنل کمشنر اتے پورے صوبے دے سارے 36ضلعیں دے ڈپٹی کمشنرز دے ناں جاری کیتے گے ہدایت نامے اچ آکھیا گے جو حکومت پنجاب ولوں اجوکے سال گنے دے کرشنگ سیزن 2018-19ءدے سلسلے اچ گنے دی خریداری کیتے امدادی قیمت 180روپے فی منڑ مقرر کر ڈتی گی اے ایں کیتے ساریاں شوگر ملاں مذکورہ ریٹ تے گنے دی خریداری کرنڑ دیاں پابند ہن ۔
مراسلے اچ آکھیا گے جو اگر کہیںجاہ تے شوگر مل مالک گنے دی خریداری دے وقت نرخ اچ گھٹکی یا وزن تے ناپ تول دے پیمانیں تے کنڈے اچ ہیرا پھیری دا مرتکب پاتا ونجے تاں ایندے خلاف سخت کاروائی کیتی ویسی ۔
