اسلام آباد (پاکستان پوائنٹ نیوز10دسمبر 2018ء) وفاقی وزیر قانون تے انصاف بیرسٹر فروغ نسیم آکھیے جو عالمی برادری بھارت دی آبی جارحیت دا نوٹس گھنے تے عالمی بینک ایں معاملے اچ غیر جانبدارانہ کردار ادا کرے ۔سنوار ”پانڑیں تے برصغیر اچ مستقبل اچ جنگ اتے امن“ دے موضوع تے بین الاقوامی کانفرنس نال خطاب کریندے ہوئیں انہاں آکھیا جو عالمی برادری سندھ طاس معاہدے تے عمل در آمد کیتے اپنڑاں کردار ادا کرے۔
بھارت تے پاکستان اچ پانڑیں دے جھیڑے دا آغاز 1948توں تھیا تے ڈوہیں ملک ڈو جنگاں لڑ چکن ۔1960اچ تھیونڑ آلا سندھ طاس معاہدہ بہوں عرصے توں کامیابی نال چلدا رہیا مگر بھارت دریا سندھ ،جہلم تے چناب دے پانڑیں دا صنعتی استعمال کرتے معاہدے دی خلاف ورزی کیتی اے ۔انہاں آکھیا بھارت صرف ایں صورت اچ بجلی پیدا کرنڑ کیتے استعمال کر سگدا ہئی اگر ایندے نال پاکستان کوں پانڑیں دی فراہمی متاثر نہ تھیوے ۔انہاں آکھیا بھارت کلہیں معاہدے کوں ختم نی کر سگدا اینکوں ختم کرنڑ سانگے باہمی رضا مندی درکار ہوندی اے ۔
